Tavanın uçması ilə mağazada dəhşət: Qadın dağıntılar altından necə xilas edildi?

Bakının Suraxanı rayonunun Hövsan qəsəbəsində yerləşən bir mağazada tavanın uçması nəticəsində ciddi hadisə baş verib. Fövqəladə Hallar Nazirliyinin “112” qaynar xəttinə daxil olan məlumat əsasında dərhal hadisə yerinə xüsusi xilasetmə və yanğından mühafizə xidmətləri cəlb olunub.

Minval.info xəbər verir ki, hadisə zamanı 1989-cu il təvəllüdlü Gülnar Məhəmməd qızı Miriyeva müxtəlif dərəcəli bədən xəsarətləri alaraq dağıntılar altında qalıb. Xilasedicilər xüsusi avadanlıqların köməyi ilə qadını xilas edərək təcili tibbi yardım briqadasına təhvil veriblər.

Hadisənin səbəblərini araşdırmaq üçün aidiyyəti qurumlar tərəfindən təhqiqat işləri aparılır.

ƏLAQƏLİ

Bunu da oxu

Tanınmış pedaqoq həsən osmanovun qəfil vəfatı: Təhsil ictimaiyyəti yasa büründü

15.08.2026 - 12:48