Tanınmış jurnalist Nurani Qasımova vəfat etdi

Tanınmış siyasi analitik və əməkdar jurnalist Nurani (Tofiqəxanım) Qasımova uzun sürən xəstəlikdən sonra müalicə aldığı xəstəxanada vəfat edib.

Minval.info xəbər verir ki, bir neçə gündür səhhəti pisləşən jurnalistin həyatını xilas etmək mümkün olmayıb.

1970-ci il təvəllüdlü N. Qasımova ixtisasca həkim olsa da, beynəlxalq siyasətə və publisistikaya böyük marağı onu jurnalistikaya gətirib. O, peşəkar fəaliyyətinə 1992-ci ildə başlayıb və müxtəlif illərdə “Yurddaş”, “Ayna”-“Zerkalo” nəşrlərində çalışıb. Uzun müddət “Exo” qəzetinin beynəlxalq həyat şöbəsinin müdiri və siyasi icmalçısı olub. Son illərdə isə Minval.az və “Minval Politika” xəbər portalında redaktor və əsas siyasi şərhçilərdən biri kimi fəaliyyət göstərib.

ƏLAQƏLİ

Bunu da oxu

İspaniyada güclü yağışlar ölümlə nəticələndi, dərslər təxirə salındı

19.10.2026 - 15:44

N.Qasımova jurnalistika sahəsindəki xidmətlərinə görə Həsən bəy Zərdabi mükafatı və digər media mükafatlarına layiq görülüb. 2020-ci ildə “Əməkdar jurnalist” fəxri adına layiq görülüb.