Tam istirahət üçün neçə gün kifayət edir? – Araşdırma…

İldə bir dəfə uzun müddətli məzuniyyətdənsə, tez-tez istirahət etmək insana daha faydalıdır…

Yayın qızmar, lap adamı əldən salan vaxtıdır. Şəhərin hay-küyündən, maşınların tüstüsündən, tıxacından, ümumiyyətlə gündəlik sıxıcı, problemli həyatdan baş alıb getmək istəyirsən. Bahalı istirahətlər məlumdur, zatən zənginlərin həyatında istirahət günləri çoxdur, amma 11 ay işləyib məzuniyyət gözləyən, birtəhər qənaət edənlər gərək elə istirahət etsinlər ki, növbəti 11 aya yaxşı əhval-ruhiyyə ilə başlasınlar.

ƏLAQƏLİ

Bunu da oxu

Zibil qutusundan zirvəyə: Atılmış körpələrin heyrətamiz uğur hekayələri

21.08.2026 - 08:59

Bəs neçə gün istirahət insan üçün ideal sayıla bilər?

Minval.info Moderator.az-a istinadən xəbər verir ki, Niderlandın Neymeqan universitetinin alimləri bu ideal günləri müəyyənləşdiriblər.

Ekspermentdə orta yaşı 42 olan 54 işləyən adam iştirak edib. Onlar 15 gündən 34 günədək uzanan istirahətə gediblər və məzuniyyətdən əvvəl və sonra özlərini necə hiss etməkdən danışıblar. Tədqiqatçılar müxtəlif faktorlarla – sağlamlığın vəziyyəti, yorğunluq, razı qalmaq, əhval-ruhiyyə, gərginlik və enerji səviyyəsi ilə maraqlanıblar.

ƏLAQƏLİ

Bunu da oxu

Telefonlar bizi dinləyirmi? – Mütəxəssislərdən vacib tövsiyələr

21.08.2026 - 08:33

Eksperimentin gedişində məlum olub ki, məzuniyyətin 8-ci günü göstəricilər yaxşılaşmağa başlayıb. Məzuniyyətin səkkiz və ya 28 gün olmasından asılı olmayaraq, bir həftə ərzində onun gümrahlığı və keyfi əvvəlki səviyyəyə qayıdıb.

Alimlər onu da qeyd ediblər ki, sağlamlıq üçün ildə bir dəfə uzun müddətli məzuniyyətdənsə, tez-tez istirahət etmək insana daha faydalıdır.