Bakıda metro qazıntısı: Bina boşaldılmayıb!

Bakı şəhərinin Nəsimi rayonunda metro üçün şaxta qazıntısı zamanı bir binanın boşaldıldığı iddia olunub. Bu barədə yerli sakinlərdən biri məlumat verib. Onun sözlərinə görə, Süleyman Rəhimov küçəsi 116 ünvanında yerləşən binada çatlar yaranıb.

Minval.info xəbər verir ki, Bakı Metropoliteninin mətbuat xidmətinin rəhbəri Bəxtiyar Məmmədov bu iddiaları təkzib edib. O bildirib ki, ərazidə metropolitenin şaxtası inşa edilir və bu proses geoloji xüsusiyyətlər nəzərə alınaraq, ətrafdakı bina və tikililərin təhlükəsizliyi təmin edilməklə həyata keçirilir. Sakinlərin binalardan çıxarılması ilə bağlı məlumatın doğru olmadığı vurğulanıb. Hazırda inşaat işləri təhlükəsizlik və nəzarət tədbirləri altında davam etdirilir.