Taksi sürücüləri üçün imtahan: Qeydiyyat başladı!

Dövlət İmtahan Mərkəzi (DİM) taksi minik avtomobili sürücüləri üçün xüsusi hazırlıq keçmiş və şəhadətnamə almaq istəyən şəxslər üçün oktyabrın 1-də imtahan təşkil edəcək.

Minval.info xəbər verir ki, imtahanda iştirak etmək istəyən şəxslər avqustun 24-dən sentyabrın 20-dək qeydiyyatdan keçməlidirlər. Qeydiyyat üçün DİM-in internet saytında “Şəxsi kabinet” yaradılmalı və müvafiq elektron xidmət vasitəsilə qeydiyyat tamamlanmalıdır.

İmtahan ödənişlidir və iştirakçılar “Şəxsi kabinet” yaratdıqdan sonra hesablarına 35 manat məbləğində vəsait əlavə etməlidirlər. Qeydiyyatdan keçib imtahanda iştirak etməyənlərə ödəniş geri qaytarılmır.

ƏLAQƏLİ

Bunu da oxu

Bank kartlarına məhdudiyyət: Nağd ödənişlərə dönüş?

24.08.2026 - 15:01

Test imtahanı Bakı şəhərində DİM-in elektron imtahanlar korpusunda və Gəncə şəhərində Vaqif Əliyev adına 12 nömrəli tam orta məktəbdə keçiriləcək. İmtahanın müddəti 1 saat olacaq və sürücülərin etik davranışı, avtomobil nəqliyyatı ilə sərnişin daşınmasını tənzimləyən normativ hüquqi aktlara dair 20 test tapşırığı təqdim ediləcək.

Hər düzgün cavab 1 balla qiymətləndiriləcək və səhv cavablar nəticəyə təsir etməyəcək. On və daha çox bal toplayan namizədlər imtahanı müvəffəqiyyətlə keçmiş hesab olunacaq və onlara 7 il müddətində etibarlı olan şəhadətnamə təqdim ediləcək.