Şuşada qaya daşlarına yazı yazan turistlər cəzalandırılacaq

Şuşa şəhərinə səfər edən turistlər, şəhərdəki qaya daşlarının üzərinə yazılar yazıblar. Bu barədə Şuşa Şəhəri Dövlət Qoruğu İdarəsinin mətbuat katibi Səmayə Məmmədova məlumat verib.

Minval.info xəbər verir ki, Səmayə Məmmədova bu kimi halların ilk dəfə baş vermədiyini bildirib. O qeyd edib ki, maarifləndirmə işləri və cərimələrə baxmayaraq, bu cür xoşagəlməz hallar davam edir. “Biz, güllə və qan izlərinin olduğu, uğrunda canlar verilmiş Şuşada bu kimi halların yaşanmaması üçün birlikdə mübarizə aparmağa çağırırıq,” – deyə o vurğulayıb.