Sürücülərə ŞAD XƏBƏR: “Rəsmi qurumlara müraciət hazırlandı”

Sürücülərə ŞAD XƏBƏR: "Rəsmi qurumlara müraciət hazırlandı"

“Bir qrup fəal sürücü yollarımızda baş verən piyada vurulması hadisələrinə münasibətdə uzun müddət formalaşmış yanlış stereotiplərin dəyişdirilməsinə yönələn təşəbbüs irəli sürmüşdü. Bu məqsədlə ölkəmizin həmin hadisələri araşdıran və hüquqi qiymət verən yuxarı qurumlarına (Ali Məhkəmə, DİN, Baş Prokurorluq) müraciət hazırladıq”.

Minval.info xəbər verir ki, bu barədə Digesta hüquq firmasının direktoru Ərşad Hüseynov məlumat verib.

Hüquqşünas bildirib ki, müraciət belə hadisələrin ədalətlə, obyektiv araşdırılmasına, cəmiyyətimizdə, əksər hallarda həm də istintaq və məhkəmələ təcrübəsində formalaşan “Həmişə sürücü günahkardır” düşüncəsinin aradan qaldırilmasına çağırışdır:

Xocavəndin iki kəndində qazlaşdırma işlərinə start verilib

ƏLAQƏLİ

Bunu da oxu

Xocavəndin iki kəndində qazlaşdırma işlərinə start verilib

19.10.2026 - 15:34

“Bilirik ki, hadisələrin xeylisində sürücülər günahkardır, amma şübhəsiz ki, hamısında yox. Lakin həmin yanlış stereotip bəzən piyada intizamsızlığına rəvac verir, günahsız sürücü isə məhkuma çevrilir. Hər ikisi cəmiyyət üçün itkidir. Bunu dəyişmək lazımdır”.

Ərşad Hüseynov bununla bağlı statistik göstəriciləri misal çəkib: “2016-ci ildə ölkəmizdə qeydə alınmış piyada vurulma hadisələrinin 93 faizində sürücülər, cəmi 7 faizində isə piyadlar təqsirli sayılıb. Yol hərəkəti təhlükəsizliyinin və yol hərəkəti mədəniyyətinin səviyyəsi ölkəmizə yaxın, yol hərəkəti iştirakçılarının hüquqi məsuliyyəti məsələsini tənzimləyən qanunvericiliyi isə bizim qanunvericiliklə, demək olar ki, eyni olan Rusiya Federasiyasında isə 2015-2017-cı illərdə qeydə alınmış piyada vurulma hadisələrinin təxminən 54 faizində sürücülər, 42 faizində piyadlar, 4 faiizində isə başqa şəxslər (xüsusən yol-nəqliyyat infrastrukturuna görə məsul şəxslər) təqsiri olub”.

Sani / Minval.info