Sürücülər ən çox hansı qaydaları pozublar? - CƏRİMƏLƏR
2018-ci ilin yanvar-sentyabr aylarında qaydaların pozulmasına görə 58,7 milyon manat məbləğində cərimələr tətbiq edilib.
Oxu.Az xəbər verir ki, Dövlət Statistika Komitəsinin yaydığı məlumata görə, yol hərəkəti qaydaları əleyhinə aşkarlanmış inzibati xətaların sayı 2017-ci ilin müvafiq dövrünə nisbətən 4,9 faiz artaraq 2635,4 min olub.
Məlumatda bildirilir ki, xətaların 51,5 faizi yolda müəyyən edilmiş hərəkət sürəti həddinin aşılması ilə bağlı olub. Bu isə ötən ilin müvafiq dövrü ilə müqayisədə 3,8 faiz çoxdur. 13,3 faiz pozmalar yol nişanlarının və ya yolların hərəkət hissəsinin işarələrinin tələblərinə riayət edilməməsi ilə bağlıdır, burada artım isə 60,7 faiz təşkil edir.
Sürücülərin 10,3 faizi dayanma və ya durma qaydalarını pozublar, bu kateqoriyada artım isə 6,1 faizdir. Xətaların 10,5 faizi işıqforun və ya nizamlayıcının qadağanedici işarəsi verilərkən hərəkətin davam etdirilməsi ilə əlaqədardır. Bu statistikada artım 12,4 faiz təşkil edib.
Cərimələrin 3,8 faizi icbari sığorta müqaviləsinin bağlanmaması (19,1 faiz az), 3,1 faizi təhlükəsizlik kəmərini bağlamadan nəqliyyat vasitəsinin idarə olunması (17,9 faiz az), qalan hissəsi isə digər səbəblər üzrə aşkarlanıb.
Minval.İnfo
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
U-21 millisinin heyətində sürpriz ad: Axundzadə!
Azərbaycanlı dizayner Çində qızıl medal qazandı
AZAL Mərkəzi Asiya və MDB-nin ən yaxşısı seçildi
Professor Nadir Məmmədli: Türkoloji elmin öncüsü
Dağlıq rayonlarda leysan və dolu təhlükəsi!
Azərbaycan XİN-dən Kitts və Nevisə təbrik mesajı
Bakıda 5 avtobusun marşrutu dəyişdirildi!
