Dağlıq rayonlarda leysan və dolu təhlükəsi!

Sentyabrın 19-da Bakıda və Abşeron yarımadasında hava şəraitinin dəyişkən buludlu və əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu gecə 20-23° isti, gündüz isə 25-29° isti olacaq. Atmosfer təzyiqi 761 mm civə sütunu, nisbi rütubət isə 65-75% təşkil edəcək.

Minval.info xəbər verir ki, Azərbaycanın əksər rayonlarında hava əsasən yağmursuz keçəcək. Lakin bəzi dağlıq və dağətəyi rayonlarda arabir yağış yağacağı ehtimal olunur. Ayrı-ayrı yerlərdə qısamüddətli leysan xarakterli intensiv yağışlar, şimşək çaxması və dolu düşməsi gözlənilir. Gecə və səhər saatlarında dağlarda duman olacaq. Şərq küləyi əsəcək.

Havanın temperaturu gecə 18-22° isti, gündüz 29-33° isti, dağlarda isə gecə 10-15° isti, gündüz 18-23° isti olacaq.