Spark 26 festivalı: Gənclər texnologiyada birləşdi

Azərbaycanın ilk tələbə-texnologiya festivalı olan ‘Spark 26’, 1000-dən çox gənci bir araya gətirərək, texnologiya, data və süni intellekt sahələrində təhsil alan tələbələrə, magistrantlara və məzunlara unikal imkanlar təqdim etdi. Festival iştirakçılarına texnologiya sahəsindəki yenilikləri birbaşa mütəxəssislərdən öyrənmək, real iş təcrübəsi ilə tanış olmaq və gələcək karyera yollarını daha aydın təsəvvür etmək imkanı verildi.

Minval.info xəbər verir ki, festival çərçivəsində iştirakçılar ‘Süni intellekt və datanın real biznes mühitində tətbiqi’, ‘Texnologiyanın gələcəyi və süni intellektin peşələrə təsiri’ kimi mövzular ətrafında fikir mübadiləsi apardılar. Bir ekosisteminin rəhbər nümayəndələri Aygün Musayeva, Maksim Evdokimov, Buğra Şen və Fariz Lətifovun çıxışları ilə zənginləşən tədbirdə sual-cavab sessiyaları da keçirildi.

Festivalın interaktiv və əyləncə dolu proqramı gənclərin ünsiyyət qurmasına və yeni əlaqələr yaratmasına şərait yaratdı. Bir ekosisteminin rəhbəri Fərid Hüseynov, ‘Spark’ festivalının ildən-ilə böyüyərək daha çox gəncin öz uğur hekayəsinə başladığı bir platformaya çevrilməsini hədəflədiyini vurğuladı. O, ‘Gələcəyi qurmaq sadəcə yeni texnologiya gətirmək deyil, ona ruh verən gənclər üçün doğru mühit yaratmaqdır’ deyə bildirdi.

ƏLAQƏLİ

Bunu da oxu

Bakıda sabah yağışsız, 31° isti olacaq

11.09.2026 - 20:31

‘Spark 26’ layihəsi, Azərbaycanın texnoloji potensialını irəli aparacaq gəncləri bir araya gətirərək, ölkənin ənənəvi illik texnologiya hərəkatına çevrilməyi hədəfləyir. Bir ekosistemi, 2025-ci ildən fəaliyyətə başlayaraq, 5 milyondan çox müştəriyə xidmət göstərən Qafqazın ilk tam inteqrasiya olunmuş rəqəmsal ekosistemidir.