Bir neçə gün əvvəl ATV, “Xəzər TV”, ARB və “SPACE TV”nin rəhbərləri yayımladıqları sosial xarakterli verilişlərə görə Prezident Administrasiyasına dəvət olunublar.
Axşam.az-ın məlumatına görə, bu xəbərə sevinənlər arasında aktyorlar da yer alıb. Aktyor Hikmət Rəhimov və Kamran Ağabalayev onlardan olub.
H.Rəhimov xəbəri yayımlayaraq “Apatiya” filmini xatırladıb və oradakı ssenarinin bu xəbərə uyğun olduğunu vurğulayıb.
K.Ağabalayev isə Sən nə bomba xəbərsən” deyə, paylaşımında qeyd edib.
Qeyd edək ki, telekanal rəhbərlərinin onların iştirakı ilə keçirilən iclasda kanallarda yayımlanan bir sıra şou və sosial verilişlərdəki biabırçı vəziyyətlə bağlı ciddi iradlar səsləndirilib. Qeyd edilib ki, ictimai narazılıq və narahatlıq doğuran “Bizimləsən”, “Elgizlə izlə”, “Səni axtarıram”, “Həmin Zaur”, “Gəl danış”, “Yaxşıya doğru”, “Təsir dairəsi” kimi verilişlər son illər teleradio məkanının inkişafı sahəsində əldə olunmuş uğurlara ciddi kölgə salır.
