Sosial media tələləri: Dostlarınızın adından gələn mesajlara aldanmayın!
Son günlərdə “WhatsApp” və digər sosial media platformalarında vətəndaşların adlarına oxşar hesablar yaradılaraq yaxınları ilə əlaqə saxlanılması və müxtəlif bəhanələrlə pul tələb edilməsi halları artmaqdadır.
Minval.info xəbər verir ki, Daxili İşlər Nazirliyi bu barədə vətəndaşları məlumatlandırıb. Nazirlikdən bildirilib ki, kiberdələduzlar tanıdığınız şəxslərin ad və fotoşəkillərindən istifadə edərək saxta hesablar yaradır və yaxınlarına təcili pul göndərilməsini xahiş edirlər.
Vətəndaşlara müraciət edərək, bu cür mesajlara qarşı diqqətli olmaları, tanıdıqları şəxslərin adından göndərilən şübhəli müraciətlərə dərhal inanmamaları tövsiyə olunur. Əgər tanıdığınız şəxsin adından pul göndərilməsi barədə mesaj alarsınızsa, əvvəlcə həmin şəxslə başqa vasitələrlə əlaqə saxlayaraq məlumatın doğruluğunu yoxlayın.
Profil fotosunun və adının tanış olması hesabın həmin şəxsə aid olduğunu təsdiq etmir. Şübhəli hesablar və mesajlarla qarşılaşdıqda pul göndərməyin, şəxsi və bank məlumatlarınızı paylaşmayın, şübhəli keçidlərə daxil olmayın. Kiberdələduzluq halları ilə üzləşdikdə dərhal DİN-in “102” Xidməti-Zəng Mərkəzinə və ya Nazirliyin rəsmi sosial media hesablarına müraciət edin.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Gəlinini bıçaqlamaqda ittiham olunan şəxs təcridxanada vəfat etdi
Vüsal Şilderin qətli: cinayətin qiyməti 1000 manat olub?
Bakıda 117 min manatlıq dələduzluqda təqsirləndirilən şəxsə hökm oxundu
Sumqayıtda keçmiş yeznəsini aldatdı, məhkəmə qərarı verildi
Avtoxuliqanlıq edən sürücü 15 sutka həbs cəzası aldı
Polis 103 kiloqramdan çox narkotik vasitə aşkarladı
Vəzifəli şəxsləri şantaj edən baş redaktor məhkəmə qarşısında
