Sona Ağayeva boccia üzrə dünya üçüncüsü oldu

Azərbaycanlı bocciaçı Sona Ağayeva Cənubi Koreyanın paytaxtı Seulda keçirilən dünya çempionatında bürünc medal qazanıb. BC2 kateqoriyasında mübarizə aparan idmançı, dünya reytinqində üçüncü yerdə olan Cənubi Koreya təmsilçisi Ahyonq Çoya qalib gələrək bu uğura nail olub.

Minval.info xəbər verir ki, bu nailiyyət Azərbaycanın paralimpiya hərəkatı tarixində boccia idman növündə Avropa və dünya çempionatlarında qazanılan ilk medal olaraq qeyd edilir.