Socar 2025-ci ildə rekord gəlir əldə etdi: 86,3 milyard manatlıq nailiyyətlər və strateji addımlar

Azərbaycan Dövlət Neft Şirkəti (SOCAR) 2025-ci ilin maliyyə nəticələrini açıqlayıb. Şirkətin gəlirləri 86,3 milyard manat, ümumi mənfəəti isə 12,6 milyard manat təşkil edib.

Minval.info xəbər verir ki, ötən il qlobal enerji bazarlarında geosiyasi qeyri-müəyyənliklər və artan enerji tələbi fonunda SOCAR beynəlxalq aktivlərini genişləndirərək əməliyyat səmərəliliyini artırıb. Şirkət, həmçinin xərclərin optimallaşdırılması istiqamətində mühüm addımlar atıb.

2025-ci ildə SOCAR strateji investisiyalarını davam etdirib. Bu çərçivədə “Bahar” və “Qum-Dəniz” yataqlarında 80% pay alınıb, İsrailin “Tamar” qaz yatağında 10% iştirak payı əldə edilib. Türkiyədə yeni enerji layihələri və rəqəmsal infrastruktur sahələrində də mühüm investisiyalar həyata keçirilib.

Taksi sürücülərinin profilləri niyə bloklanır?

ƏLAQƏLİ

Bunu da oxu

Taksi sürücülərinin profilləri niyə bloklanır?

04.09.2026 - 21:55

Əməliyyat mənfəəti əvvəlki illə müqayisədə 80% artaraq 5,2 milyard manata çatıb, xalis mənfəət isə təxminən 3 milyard manat olub. SOCAR-ın EBITDA göstəricisi 10,9 milyard manat təşkil edib ki, bu da 2024-cü illə müqayisədə 26% artım deməkdir. Gəlirlərin əsas hissəsi xam neft, neft-kimya məhsulları və təbii qazın satışından əldə olunub.

Əməliyyat fəaliyyətindən yaranan mənfəət artımı pul vəsaitlərinin hərəkətinə də müsbət təsir göstərib, burada 136% artım qeydə alınıb. SOCAR dövlət büdcəsinə ən çox vergi ödəyən şirkət olaraq ölkənin sosial-iqtisadi inkişafına mühüm töhfə verir.

2025-ci ildə SOCAR dövlətə 3,8 milyard manat məbləğində dividendlər və digər ödənişlər edib. 2021-2025-ci illər ərzində isə ümumilikdə 15,9 milyard manat məbləğində ödənişlər həyata keçirilib. Bu dövrdə dövlət tərəfindən SOCAR-a 1,6 milyard manat həcmində vəsait yatırılıb.