Skuter sürənlərə təhlükəsizlik xəbərdarlığı edildi

Skuter istifadəçilərinə təhlükəsizlik qaydalarına riayət etmələri üçün xəbərdarlıq edilib. Skuterlərdən istifadə zamanı qaydalara əməl edilməməsi həm istifadəçilər, həm də digər hərəkət iştirakçıları üçün ciddi təhlükə yaradır. Skuterin nəqliyyat vasitəsi olduğunu unutmamaq və onu idarə edən şəxsin yol hərəkətinin iştirakçısı kimi müəyyən edilmiş qaydalara əməl etməsi vacibdir.

Minval.info xəbər verir ki, Baş Dövlət Yol Polisi İdarəsinin şöbə rəisi, polis polkovnik-leytenantı Rövşən Tağıyev skuterlərin təhlükəsiz istifadəsi ilə bağlı açıqlama verib. O bildirib ki, avqustun 22-də Yasamal rayonunda baş verən hadisə skuterlərin təhlükəsiz istifadəsinin nə qədər əhəmiyyətli olduğunu göstərir. Həmin hadisədə skuter idarə edən şəxs yıxılaraq ağır xəsarət almış və həyatını itirmişdir.

Skuterlərin avtomobil yollarında yalnız yolun sağ kənar zolağı ilə hərəkət etməsinə icazə verilir. Avtomagistrallarda isə skuterlərin hərəkəti qadağandır. Skuter sürücülərinin piyadaların hərəkətinə maneə yaratması və sükanı tutmadan hərəkət etməsi yolverilməzdir. Bir skuterdə iki nəfərin hərəkət etməsi tarazlığın saxlanılmasını çətinləşdirir və yıxılma ehtimalını artırır. Səkilərdə sürətlə hərəkət etmək isə xüsusilə uşaqlar və yaşlılar üçün təhlükə yaradır.

ƏLAQƏLİ

Bunu da oxu

Yeni pandemiya təhlükəsi: Alimlərdən xəbərdarlıq!

05.09.2026 - 23:14

Yol nişanlarının tələblərinə əməl edilməməsi və nəqliyyat axınının əksinə hərəkət edilməsi ağır nəticəli yol-nəqliyyat hadisələrinə səbəb ola bilər. Hərəkət zamanı mobil telefondan istifadə diqqətin yayınmasına səbəb olur. Valideynlər azyaşlıların elektrik skuterlərindən istifadəsinə xüsusi diqqət yetirməlidirlər. Uşaqların skuterləri düzgün idarə edə bilməsi üçün yol şəraitini və sürəti qiymətləndirmək bacarığına malik olmaları vacibdir. Skuter istifadəçiləri və valideynlər bu vasitələrdən istifadəyə ciddi nəzarət etməlidirlər.