Şirvan kanalında təmir: Suyun verilişi necə bərpa olundu?

Şirvan kanalının Göyçay rayonu ərazisində yerləşən və sızma baş vermiş hissəsindəki bəndin təmiri artıq tamamlanıb. Təmir-bərpa işləri tam şəkildə başa çatdırılıb.

Minval.info xəbər verir ki, Azərbaycan Dövlət Su Ehtiyatları Agentliyindən verilən məlumata görə, Yevlax, Ağdaş, Göyçay, Ucar və Zərdab rayonlarına suyun verilişi bərpa edilib. Hacıqabul, Ağsu, Kürdəmir və Şamaxı rayonlarının su ilə təminatı isə sabah axşam saatlarına qədər tam həcmdə bərpa olunacaq, bütün ərazilərə suyun verilməsi isə 7 avqust səhər saatlarından etibarən həyata keçiriləcək.

Hadisə baş verən andan etibarən əraziyə xüsusi texnika və canlı qüvvə cəlb olunub və işlər dərhal başlanılıb. Operativ tədbirlər nəticəsində bənd qısa müddətdə bərpa edilib və suyun verilişi mərhələli şəkildə təmin olunub. Su təminatında yaranan müvəqqəti fasilələrə görə ərazilərə su maşınları göndərilib və vətəndaşlar su ilə təmin olunublar.