Seutaya miqrant axını: İspaniya bölgəyə əlavə hərbçilər göndərir

İspaniyanın Şimali Afrikada yerləşən Seuta şəhərinə qeyri-qanuni miqrant axını sürətlə artır. Mərakeşin Kastilyexos sahillərindən yola çıxan 800-dən çox miqrant, Seutaya keçməyə cəhd göstərib.

Minval.info xəbər verir ki, İspaniyanın dəniz xilasetmə xidməti 300-dən çox miqrantı, Qırmızı Xaç isə 117 nəfəri sudan xilas edib. Hadisə zamanı iki nəfərin meyiti tapılıb.

Sosial şəbəkələrdə bəzi miqrantların nərdivanla binalara çıxmağa çalışdığına dair görüntülər yayılsa da, onların evlərə daxil olmağa cəhd göstərməsi barədə iddialar İspaniya rəsmiləri tərəfindən təsdiqlənməyib.

ƏLAQƏLİ

Bunu da oxu

Ağdam–Xankəndi dəmir yolu xəttinin tikintisi sürətlə irəliləyir

31.07.2026 - 15:22

Vəziyyətin ciddiliyi ilə əlaqədar İspaniya hökuməti Seutaya əlavə polis və hərbçilərin göndərilməsi qərarını qəbul edib. Baş nazir Pedro Sançes, hökumətin böhranın aradan qaldırılması üçün bütün imkanları səfərbər etdiyini vurğulayıb.

Minval.info