Deputatlığa namizəd Rauf Arifoğlunun apardığı seçki kampaniyası bütün ölkənin diqqətindədir.

35 saylı Xətai üçüncü seçki dairəsindən öz namizədliyini irəli sürmüş qəzetçi -yazarın qurduğu təbliğat – təşviqat prosesinin hər bir mərhələsi hadisə statusundadır. Seçiciləri ilə açıq meydanlarda böyük mitinq – görüş keçirdən, inanclı sakinlərlə cümə namazına qatılan, vətəndaşların evlərinin qapısını döyüb, onlarla birəbir ünsiyyət quran R. Arifoğlunun seçki texnologiyası ölkə miqyasında hər kəsdən fərqlənir, eləcə də yüksək diqqət çəkir.

29 yanvarda seçicilərlə “Şəms” mərasim evində keçirilən görüş də ölkə ictimaiyyətinin diqqətini çəkən hadisələrdəndir. Bu detalı diqqətə çatdıraq ki, 400 nəfərlik oturma yeri olan mərasim evində hətta ayaqüstə dayanmağa da yer qalmamışdı.

Təxminən 100 seçici də R.Arifoğlunun çıxışını mərasim evinin çölündə, ayaqüstə dinləyib. Musavat.com həmin görüşdən yazılı, fotolu reportaj verib. Bu dəfə isə seçicilərlə deputatlığa namizədin 29 yanvar görüşündən geniş xülasə diqqətinizə təqdim olunur. Baxın, özünüz qiymət verin.

Musavat.com