Şamaxı və Şahdağda dolu yağışı müşahidə edildi

Azərbaycanın müxtəlif bölgələrində hava şəraiti qeyri-sabit olaraq qalır. Bəzi yerlərdə leysan xarakterli yağıntılar müşahidə edilir. Şimal-qərb küləyi Tərtər, Bakı və Abşeron yarımadasında 25 m/s, Zaqatalada 23 m/s, Neftçala, Göyçay, Salyanda 20 m/s, Şəki, Zərdabda 18 m/s, Şirvanda 17 m/s, Yevlax, Şahdağ, Göygöldə isə 15 m/s sürətlə əsir.

Minval.info xəbər verir ki, saat 16:05-16:12 radələrində Şahdağda diametri 3 mm olan dolu düşüb. Eyni zamanda, saat 16:15-16:19 radələrində Şamaxı rayonunun Çuxuryurd və Məlhəm kəndləri ərazisinə diametri 0.5 mm olan dolu yağıb. Gəncə, Balakən, Bərdə, Qrız, Quba, Şamaxı, Şirvan və Zaqatalada isə yağış yağır və şimşək çaxır.