Sahibə Qafarovadan Tahir Kərimliyə kəskin reaksiya: “10 dəqiqəlik səs yazısı var…”

Sahibə Qafarovadan Tahir Kərimliyə kəskin reaksiya: “10 dəqiqəlik səs yazısı var...”

Deputat Tahir Kərimli Milli Məclisin iclasında çıxış edərkən həmkarı Eldəniz Səlimovun deputat toxunulmazlığından məhrum edilməsilə bağlı qərara fərqli münasibət bildirib.

O, qeyd edib ki, bir sıra hallarda polislə bağlı vətəndaşlardan şikayətlər alır: “İndi belə çıxır ki, polisin yiyəsi var, deputatın yiyəsi yoxdur”.

İraq-İran sərhədində üç keçid yenidən açılır

ƏLAQƏLİ

Bunu da oxu

İraq-İran sərhədində üç keçid yenidən açılır

13.09.2026 - 22:20

T.Kərimli baş vermiş hadisənin bu həddə çatmasına etirazını bildirib. Qeyd edib ki, hətta xəsarət faktı var idisə belə, məsələni sülh yolu ilə həll etmək olardı, tərəfdarı barışdırıb məsələyə son qoyula bilərdi.

T.Kərimlinin fikirləri spiker Sahibə Qafarova tərəfindən kəskin etirazla qarşılandı.

Spoker bildirdi ki, belə bir çıxış onunçün gözlənilməzdir: “Bu nə deməkdir ki, deputatın yiyəsi yoxdur, polisin yiyəsi var? Deputatın yiyəsi xalqdır. Şəxsən mən sizi kabinetimə dəvət edəcəyəm. Ortada səs yazısı var. Mən özüm kabinetdən çıxacağam və sizi 10 dəqiqəlik səs yazısına qulaq asmağa məcbur edəcəyəm! Ondan sonra görüm siz belə danışa bilərsiniz, yoxsa yox?!”