Şah i̇smayılın kimliyi: Tariximizə hansı yanlış yanaşmalar ziyan vurur?

Sabir Rüstəmxanlı, Azərbaycan tarixi və Şah İsmayıl Xətai ətrafında yaranan mübahisələrə dair öz fikirlərini bölüşüb. O, tariximizin bu parlaq dövrünün yanlış müzakirə edilməsinin milli maraqlarımıza ziyan vurduğunu bildirib.

Minval.info xəbər verir ki, Xalq şairi Sabir Rüstəmxanlı, Xətai ilə bağlı müzakirələrin hörmətsizlik və böhtanlarla dolu olduğunu qeyd edərək, bu şəraitdə danışmanın mənasız olduğunu vurğulayıb. O, həmçinin, bu mövzuda əvvəlki əsərlərində geniş şəkildə yazdığını və teledebatlarda iştirak etdiyini xatırladıb.

Rüstəmxanlı, Şah İsmayılın və Səfəvi dövlətinin türk kimliyini inkar edənlərin böyük bir yanlışlıq etdiyini bildirib. O, İranın tarixən türk yurdu olduğunu və bu ərazinin türklər üçün əhəmiyyətini vurğulayıb. İslam mənbələrinin də bunu təsdiqlədiyini qeyd edən Rüstəmxanlı, İran türklərinin özlərini “iranlı” adlandırmasının onların türklüyünü inkar etmədiyini əlavə edib.