Şabranın Gəndov kəndində su böhranı: Köhnə boruların fəsadları 50 il sonra üzə çıxır

Şabran rayonunun Gəndov kəndində su çatışmazlığı illərdir davam edir və bu, yerli əhalinin narazılığına səbəb olub. Kənd sakinləri bildirirlər ki, içməli su problemi xüsusilə yay aylarında daha da kəskinləşir.

Minval.info xəbər verir ki, təxminən 800 təsərrüfatın və 3 min 300 nəfər əhalinin yaşadığı bu kənddə su xətləri 1970-ci illərdə çəkilib. Lakin zamanla boruların köhnəlməsi nəticəsində kəndin böyük bir hissəsi içməli sudan məhrum qalıb.