Sabah "London Lions"a məğlub oldu: 82-86

Litvada təlim-məşq toplanışında olan “Sabah” basketbol komandası Böyük Britaniyanın “London Lions” komandası ilə növbəti yoxlama oyununu keçirib. Kaunas şəhərində baş tutan bu qarşılaşma “London Lions”un 86:82 hesablı qələbəsi ilə yekunlaşıb.

Minval.info xəbər verir ki, “Sabah” komandası ilk yoxlama oyununda Litvanın “Juventus Utena” komandasına 84:89 hesabı ilə məğlub olub. Lakin ikinci görüşdə bu ölkənin “Şyaulyay” kollektivinə 92:80 hesabı ilə qalib gəlib. Qeyd edək ki, Azərbaycan təmsilçisi yeni mövsümdə FIBA Çempionlar Liqasında iştirak edəcək.