Sabah Bakıda 33 dərəcə isti gözlənilir

Azərbaycanda sentyabrın 4-də hava şəraitinin isti keçəcəyi proqnozlaşdırılır. Gözlənilən temperatur 33 dərəcə olacaq.

Minval.info xəbər verir ki, Bakıda və Abşeron yarımadasında hava dəyişkən buludlu olacaq və əsasən yağmursuz keçəcək. Mülayim cənub-şərq küləyi əsəcək. Gecə saatlarında temperatur 20-23° isti, gündüz isə 26-30° isti olacaq. Atmosfer təzyiqi 761 mm civə sütunu təşkil edəcək, nisbi rütubət isə gecə 70-75%, gündüz 45-50% olacaq.

Ölkənin digər rayonlarında da hava şəraitinin əsasən yağmursuz keçəcəyi gözlənilir. Lakin bəzi dağlıq ərazilərdə gündüz saatlarında qısamüddətli yağış və şimşək ehtimalı var. Gecə və səhər saatlarında bəzi dağlıq ərazilərdə duman müşahidə ediləcək, mülayim şərq küləyi əsəcək. Havanın temperaturu gecə 16-21° isti, gündüz 28-33° isti, dağlarda isə gecə 10-15° isti, gündüz 19-24° isti olacaq.