Səfəvi imperiyasının xəritəsi: Şah İsmayılın dövründə sərhədlər necə idi?

Tarixçilər Nazim Xəlilov və Elnur Nəciyev, Səfəvi İmperiyasının Şah İsmayıl dövrünü əhatə edən yeni bir xəritə yayımlayıblar. Bu xəritə, “Azərbaycan Səfəvi dövləti (Şah İsmayıl dövrü: 1501-1524)” adını daşıyır və imperiyanın geniş sərhədlərini əks etdirir.

Minval.info xəbər verir ki, xəritə “Azərbaycan tarixi atlası”, “Azərbaycan Respublikasının Milli Atlası” və “Azərbaycan tarixi xəritələrdə” atlaslarına daxil edilib. Bu xəritənin müəllifləri arasında AMEA-nın müxbir üzvü Oqtay Əfəndiyev və tarix elmləri doktoru Tofiq Nəcəfli də var.

Xəritədə göstərilir ki, 1514-cü il Çaldıran döyüşünə qədər Səfəvi dövlətinin sərhədləri şimalda Dərbənddən cənuba Fars körfəzinə, qərbdə Fərat çayından, şərqdə isə Amudərya çayına qədər uzanırdı. O dövrdə imperiyanın ərazisi 3,5 milyon kvadrat kilometr idi. 1555-ci il Amasya sülhündən sonra bu ərazi 2,5 milyon kvadrat kilometrə, 1590-cı il İstanbul sülhündən sonra 1,5 milyon kvadrat kilometrə, 1639-cu il Qəsri-Şirin sülhündən sonra isə 2,85 milyon kvadrat kilometrə qədər azaldı.