Ruslan əsgərovun ekstradisiyası: İş adamının qətlinin sifarişçisi ədalət qarşısında!
Azərbaycan vətəndaşı Ruslan Əli oğlu Əsgərovun qətl sifarişi ilə bağlı ekstradisiyası həyata keçirilib. Moldova Baş Prokurorluğu, Azərbaycan Baş Prokurorluğunun müraciətinə müsbət cavab verərək, Əsgərovun Azərbaycana qaytarılmasını təmin edib.
Minval.info xəbər verir ki, Samux Rayon Prokurorluğunda aparılan ilkin istintaq nəticəsində 1981-ci il təvəllüdlü Ruslan Əsgərovun qəsdən adam öldürmə cinayətini sifariş verməsi ilə bağlı əsaslı şübhələr yaranıb. Buna görə də, o, təqsirləndirilən şəxs qismində axtarışa verilib və istintaqdan qaçdığı üçün beynəlxalq axtarış elan edilib.
Ruslan Əsgərov Moldova ərazisində saxlanılıb və Ədliyyə Nazirliyinin Penitensiar Xidmətinin xüsusi konvoyu ilə Azərbaycana gətirilib. Bu cinayət işi çərçivəsində daha əvvəl Mehdiyev Elvin və Yusifov Tural adlı iki şəxs məhkəməyə çıxarılıb və müvafiq olaraq 18 və 16 il həbs cəzasına məhkum ediliblər.
Xatırladaq ki, Ruslan Əsgərov Ukraynada yaşayarkən Azərbaycana köçmüş iş adamı Aytəkin Hüseynovun qətlini sifariş etməkdə ittiham olunur.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Azərbaycanda cinayət törədən qadınların sayı artdı: Səbəblər nədir?
Vüqar Məmmədovun məhkəməsində "işgüzar nüfuz" davası: Kimlər şikayətçidir?
