Rusiyaya sanksiya Avropanı çökdürür

AB Rusiyaya yönəlmiş, lakin Avropaya zərər verən yeni sanksiyalar tətbiq etməkdənsə, əsas diqqətini inflyasiya ilə mübarizəyə yönəltməlidir.

Axar.az xəbər verir ki, bunu Macarıstanın Baş naziri Viktor Orban deyib.

“Əgər Brüssel hər halda mübarizə aparmaq istəyirsə, o zaman inflyasiya ilə mübarizə aparmalıdır. Bunu etmir. Sanksiyalar Brüsselin hərbi siyasətinin silahıdır. Onlar Rusiyaya qarşı yönəlib, amma sonda Avropaya zərbə vurur”, – Orban bildirib.

Onun sözlərinə görə, Brüsselin sanksiyaları Avropada “sanksiya inflyasiyası” adlı xəstəliyə səbəb olan virusdur.