Rusiyadan Ermənistana buğda və arpa tranziti

Rusiyadan Ermənistana Azərbaycandan tranzit keçməklə növbəti buğda və arpa tədarükü həyata keçirilib. Bu gün 11 vaqon buğda və 4 vaqon arpa “Azərbaycan Dəmir Yolları” QSC-nin Biləcəri stansiyasından Böyük Kəsik istiqamətinə yola düşüb. Buğdanın ümumi çəkisi 1108 ton, arpanın isə 273 ton təşkil edir.

Minval.info xəbər verir ki, indiyə qədər Rusiyadan Ermənistana Azərbaycandan tranzit keçməklə 47 min tondan çox taxıl, 9 min tona yaxın gübrə, 1 136 ton propan, 133 ton alüminium, 1 114 ton kömür və 67 ton taxta göndərilib. Eyni zamanda, Azərbaycandan Ermənistana 15 min tona yaxın dizel və 5 min tona yaxın Aİ-92 və Aİ-95 benzini ixrac olunub.