Rusiyadan Ermənistana Azərbaycandan tranzit buğda və arpa

Rusiyadan Ermənistana Azərbaycandan tranzit keçməklə yeni bir tədarük həyata keçiriləcək. Bu çərçivədə, 420 ton buğda və 280 ton arpa 28 avqust tarixində Biləcəri stansiyasından Böyük Kəsik istiqamətinə göndəriləcək.

Minval.info xəbər verir ki, bu tədarük 6 vaqon buğda və 4 vaqon arpa ilə həyata keçiriləcək. Qeyd edək ki, indiyədək Rusiyadan Ermənistana Azərbaycandan tranzit keçməklə 54 min tondan çox taxıl, 9 min tona yaxın gübrə, 1414 ton propan, 133 ton alüminium, 1114 ton kömür və 334 ton taxta göndərilib.

Bundan əlavə, Azərbaycandan Ermənistana 15 min tona yaxın dizel, 5 min tona yaxın Aİ-92 və Aİ-95 benzini ixrac olunub.

ƏLAQƏLİ

Bunu da oxu

Xocavəndin iki kəndində qazlaşdırma işlərinə start verilib

19.10.2026 - 15:34