Rusiya “SU-57” qırıcısını itirdi

Moskva vilayətində hərbi təyyarənin qəzaya uğraması ilə bağlı məlumat yayılıb. Minval.info xəbər verir ki, hadisə Zveniqorod yaxınlığındakı Lutsino kəndi ərazisində yerləşən tarlada baş verib.

İlkin məlumatlara görə, qəzaya uğrayan hava gəmisi təlim uçuşu həyata keçirən “Su-57” qırıcı təyyarəsidir. Sosial şəbəkələrdə hadisə yerindən görüntülər də yayılıb.

Rusiya Müdafiə Nazirliyi hərbi təyyarənin qəzaya uğraması faktını təsdiqləyib. Hadisənin səbəbləri və digər təfərrüatlar barədə hələlik əlavə məlumat açıqlanmayıb.