“Röyter” 3 min 200 əməkdaşını ixtisar edəcək

Məşhur xəbər agentliyi “Röyter” 2019-cu ildə əməkdaşlarının 12%-ni – 3 min 200 nəfəri ixtisar etməyi planlaşdırır. Novator.az-ın məlumatına görə, şirkətin sərmayəçilər üçün keçirdiyi təqdimat mərasimində belə açıqlama verilib. İxtisar xərcləri azaltmaq zərurəti ilə əsaslandırılıb.

“Röyter” məhsul istehsalını azaltmağa və təşkilati strukturu optimallaşdırmağa da hazırlıq görür. Ofislərin sayı 185-dən 133-ə endiriləcək. Şirkət bununla xərclərin 7-8% azalacağını düşünür.

“Röyter”in əsası 1851-ci ildə Londonda qoyulub. 2008-ci ildən agentliyin əsas sahibi “Tomson” media qrupu olduğu üçün şirkət “Tomson Röyter” adı daşıyır.