Ronaldu İtaliyada "Yuventus"a görə dindirilə bilər

İtaliyanın Turin şəhərinin prokurorluğu İngiltərə “Mançester Yunayted”ində çıxış edən Kriştianu Ronaldunu dindirməyi planlaşdırır.

Minval.info “La Gazzetta dello Sport”a istinadən xəbər verir ki, bu, “Yuventus”un yalan maliyyə hesabatları ilə bağlıdır.

36 yaşlı hücumçunun “qoca sinyora” ilə əməkdaşlığının maliyyə tərəfinin araşdırmanın vacib hissəsi olduğu bildirilir.

Qeyd edək ki, müstəntiqlər Kriştianu Ronaldunun “Yuventus”la müqaviləsinin maliyyə detallarını araşdırır. Hücumçunun karantin dövründə klubdan əlavə ödənişlər aldığı ehtimal edilir. O, 2018 – 2021-ci illərdə İtaliya təmsilçisinin formasını geyinib.