Regionlarda otel və istirahət mərkəzlərində qiymətlər ucuzlaşıb – SƏBƏB

Azərbaycanın regionlarında yerləşən otel və istirahət mərkəzlərində qiymətlərdə 30 faizə qədər ucuzlaşma müşahidə edilir.

Minval.info xəbər verir ki, bunu Trend-ə turizm üzrə ekspert Ceyhun Aşırov deyib.

C.Aşırov bildirib ki, qiymətlərin ucuzlaşmasına bir neçə amil təsir edib: “Sentyabrın 1-dən ölkədə müxtəlif məkanlara girişdə tətbiq edilən COVİD pasportu tələbi turizm sektorunda aktivliyi azaldı. Vaksin olunanların sayı artdıqdan sonra müəyyən aktivləşmənin olması ehtimal edilir.

Bundan əlavə yeni mövsümə keçid ilə əlaqədar rayonlarda yerləşən otellərdə və istirahət mərkəzində sıxlıq azalıb. Digər tərəfdən məktəblərin açılmasına az müddət qaldığı üçün ailəvi istirahətə gedənlərin sayı azalıb. Buna görə də regionda otel və istirahət mərkəzləri müəyyən endirim kanpaniyaları edirlər ki, məktəblərin başlanmasına qədər öz doluluqların saxlasınlar.

Digər tərəfdən hava şəraiti də təsir öz təsirini göstərir. Bəzi otellər 4 gün qal 3 gün ödə kimi endirim kampaniyaları da həyata keçirirlər. İndi vətəndaşlar regionlarda əvvəlkindən daha ucuz qiymətə istirahət edə bilərlər”.