"Ərbildə Azərbaycan konsulluğunun açılması..." - Tofiq Zülfüqarov

Azərbaycanın Ərbildə konsulluq açması çox faydalı bir addımdır.

Bunu Bakupost.az -a açıqlamasında sabiq xarici işlər naziri Tofiq Zülfüqarov bildirib.

Onun sözlərinə görə, bu həmin bölgədə yaşayan üçün türkmanlarla Azərbaycan arasında əlaqələri gücləndirəcək:

“Bilirsiz ki, orada türkmanlar adlanan türk əhalisi yaşayır. Hətta onların ləhcəsi də bizə çox yaxındır. Ərbildə bizim konsulluğun açılması çox vacib bir addımdır. Çünki biz görürük ki, İraqda bir sıra proseslər baş verir. Orada müxtəlif etnik və dini xüsusiyyətlərə malik bölgələrdə yerli hakimiyyət orqanları çox nüfuzlu və imkanlıdır. Bu baxımdan Prezident İlham Əliyevin İraq Refional Kürd Muxtariyyətinin rəhbəri Nəçirvan Bərzani ilə görüşü reallığı əks etdirən bir məsələdir”.