Rəşad Məcid Rauf Arifoğlunun seçki kampaniyası və uğuru barədə yazır

“…Yaddaqalan, kreativ və klassik təbliğat kampaniyası qurub. Şövqlüdür, əzmlidir, inadkardır”

“525-ci qəzet”in baş redaktoru Rəşad Məcid sosial şəbəkədə 35 saylı Xətai üçüncü seçki dairəsindən deputatlığa namizəd Rauf Arifoğlu və onun seçki kampaniyası barədə maraqlı fikirlər paylaşıb.

Musavat.com R.Məcidin həmin fikirlərini təqdim edir: “Rauf Arifoğlu 30 ildən çoxdur siyasətlə məşğuldur. Dinamikdir, daim hərəkətdə, axtarışdadır. Dayanmadan-durmadan, ən çətin şəraitdə belə “Yeni Müsavat” qəzetini ayaqda tutmağa çalışıb, gündəmdə saxlamağa nail olub. İndi millət vəkili olmaq istəyindədir. Yaddaqalan, kreativ və klassik təbliğat kampaniyası qurub. Şövqlüdür, əzmlidir, inadkardır. Bəlkə elə buna görədir ki, bəziləri ona qarşı öz qərəz və həsədini gizlədə bilmirlər. Bu da açıq hiss olunur. Mən Raufun uğrunda inadla çalışdığı bu məqsədinə də çatmasını – millət vəkili olmasını arzulayıram. Onun buna haqqı çatır”.

Musavat.com