Qəbələ-Laza yolunu palçıq axını bağladı

Qusar rayonunun Laza kəndi ərazisində sentyabrın 3-ü səhər saatlarından etibarən dağlıq sahələrdən kəndə doğru palçıq və lil axını baş verib. Bu hadisə nəticəsində Qəbələ-Laza yolu keçilməz hala düşüb və əraziyə ağır texnika cəlb olunub.

Minval.info xəbər verir ki, Laza kəndində bu cür təbiət hadisələri ötən ilin iyun və oktyabr aylarında da müşahidə olunmuşdu. Həmin dövrlərdə palçıq axını kəndin yollarına və təsərrüfatına ciddi ziyan vurmuşdu. “Şəlalələr diyarı” kimi tanınan Laza kəndi, Azərbaycanda xarici turistlərin ən çox səyahət etdikləri turizm məkanlarındandır.