“Qarabağ” APOEL-lə Tofiq Bəhramov adına Respublika stadionunda oynayacaq

Ağdamın “Qarabağ” klubunun Çempionlar Liqasındakı növbəti oyunlarının vaxtı və saatı açıqlanıb.

“Minval.info”nun məlumatına görə, Azərbaycan çempionu III təsnifat mərhələsində Kiprin APOEL klubu ilə ilk matçına avqustun 6-da çıxacaq.

Nikosiyada təşkil ediləcək görüş Bakı vaxtı ilə saat 21:00-da başlayacaq.

ƏLAQƏLİ

Bunu da oxu

Tevesin birlikdə oynadığı ən yaxşı futbolçu: nə Messi, nə də Ronaldo

30.10.2026 - 17:44

Komandalar arasında cavab qarşılaşması avqustun 13-də Bakıda baş tutacaq. Oyun ilk 2 mərhələdə olduğu kimi, “Dalğa Arena”da deyil, Tofiq Bəhramov adına Respublika stadionunda keçiriləcək. Matçın start fiti saat 20:30-da veriləcək.

Qeyd edək ki, “Qarabağ” I təsnifat mərhələsində Albaniya “Partizani”sinə, ardınca İrlandiya “Dandolk”una qalib gəlib.