Azərbaycanda qazilər "ifrat müsəlman" adlandırıldı - FOTOFAKT
“Qanun nəşriyyatı”n çap etdiyi kitab narazılıq doğurub.
Minval.info xəbərinə görə, nəşriyyatın tirajladığı “Şerlok Holms” əsərində keçən sözün açılışı barədə verilən məlumat müzakirələrə səbəb olub. Belə ki, kitabın 8-ci səhifəsində “qazi” sözünün mənası “ifrat müsəlman” kimi qələmə verilib.
Məlumat üçün bildirək ki, müharibə veteranlarına, xüsusilə Dağlıq Qarabağ uğrunda gedən döyüşlərin iştirakçılarına qazi deyilir. Lakin kitabda sözün belə məna verdiyinin qeyd edilməsi sual doğurub.
Məsələ ilə əlaqədar Minval.info “Qanun” Nəşriyyatın rəhbəri Şahbaz Xuduoğlu ilə əlaqə saxlayıb. O saytımıza açıqlamasında bildirib ki, həmin səhifədə texniki yanlışlıq olub: “Ola bilsin, kitabın orijinal versiyasından belə yazılıb. Tərcümə edilərkən olduğu kimi verilib, avtomatik səhv olub. Əslində, bu cür səhvlər ciddi məsələdir. Buna baxacağıq”.
Samir Mirzə
Minval.info
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Xocavəndin iki kəndində qazlaşdırma işlərinə start verilib
Məktəb mədrəsə deyil, öz qaydaları var
İlqar Fəhmi məktəbli forması qərarını dəstəkləyir: Zərurət var
Əməkdar jurnalist Məhəbbət Mirzəyeva vəfat etdi
Məktəbdə qalmaqal: yüksək bal toplayan müəllim niyə kənarda qaldı?
Yasamalda şəhid Hüseyn Tağıyevin anım mərasimi keçirilib
