Qadın sahibkara 106 min manat borc qadağası!

69 yaşlı qadın sahibkarın ölkədən çıxışına vergi borcu səbəbindən məhdudiyyət tətbiq edilib. Onun rəhbərlik etdiyi MMC-nin dövlət büdcəsinə, işsizlikdən sığorta, icbari tibbi sığorta və Dövlət Sosial Müdafiə fondlarına ümumilikdə 106 min 125 manat borcu yaranıb.

Minval.info xəbər verir ki, borcun uzun müddət ödənilməməsi səbəbindən İqtisadiyyat Nazirliyi yanında Dövlət Vergi Xidməti Bakı şəhəri Lokal Gəlirlər Baş İdarəsi tərəfindən məhkəməyə müraciət edilib. Məhkəmə qərarına əsasən, R.İsrafilovanın ölkədən çıxışı vergi öhdəlikləri tam yerinə yetirilənədək qadağan olunub.