Qaçaqmalçılıqda ittiham edilən vəzifəli şəxs tutuldu

Azərbaycan Baş Prokurorluğu, Ukrayna ilə apardığı danışıqlar və beynəlxalq prosedurlara uyğun təqdim olunan sənədlər nəticəsində, Azərbaycan vətəndaşı Ənvər Tağıyevin ekstradisiyası ilə bağlı razılıq əldə edib.

Minval.info xəbər verir ki, Ənvər Tağıyev təqsirləndirilən şəxs qismində cəlb edilib və istintaqdan yayınaraq gizləndiyinə görə İnterpolun Milli Mərkəzi Bürosu vasitəsilə beynəlxalq axtarışa verilib. Keçirilmiş tədbirlər nəticəsində onun Ukrayna ərazisində yeri müəyyən edilərək saxlanılıb.

Hazırda Ənvər Tağıyevin Azərbaycana gətirilməsi üçün müvafiq tədbirlər həyata keçirilir. Baş Prokurorluq, axtarışda olan şəxslərin müəyyən edilərək Azərbaycana gətirilməsi məqsədilə xarici dövlətlərin aidiyyəti qurumları, o cümlədən İnterpol ilə əməkdaşlığı davam etdirəcək.

ƏLAQƏLİ

Bunu da oxu

Sabah Bakıda 33 dərəcə isti gözlənilir

04.09.2026 - 15:02

Qeyd edək ki, Ənvər Tağıyev, Baş Gömrük İdarəsinin Əməliyyat Təhqiqat İdarəsinin sabiq böyük əməliyyat müvəkkili olaraq milyonluq qaçaqmalçılıqda ittiham edilir.