Qəbələdə evdə partlayış olub: Yaralılar var

Qəbələ rayonunda ümumi sahəsi 240 m² olan birmərtəbəli, dörd otaqlı evin zirzəmisində partlayış baş verib.

Fövqəladə Hallar Nazirliyinin məlumatına əsasən, partlayış dalğasının təsirindən evin döşəməsi dağılıb və arakəsmə divarlarında çatlar əmələ gəlib.

Yanğın hadisəsi olmayıb. Hadisə zamanı dörd nəfər xəsarət alıb. İlkin ehtimala görə, partlayış məişət qazının sızması nəticəsində baş verib.

Hadisə ilə əlaqədar müvafiq qurumlar tərəfindən təhqiqat aparılır.