“Qəbələ” Avropa Liqasına məğlubiyyətlə başlayıb

Dünən Avropa Liqasında II təsnifat mərhələsinin ilk oyunları keçirilib.

APA-nın məlumatına görə, Azərbaycan kubokunun qalibi “Qəbələ” qitənin ikinci dərəcəli klub turnirində mübarizəyə start verib.

İlk raunddan azad olan Sənan Qurbanovun yetirmələri Gürcüstan “Dinamo”su ilə qarşılaşıb. “Qırmızı-qaralar” Tbilisi təmsilçisini Qəbələ şəhər stadionunda qəbul edib.

ƏLAQƏLİ

Bunu da oxu

“Siti” ilə bağlı yeni xəbər: O qədər xalı silinə bilər ki…

20.10.2026 - 13:54

Qarşılıqlı hücumlarla keçən oyunda qonaqlar hesabı açıblar. İlk yarının sonlarında fərqlənən gürcüstanlılar final fitindən bir neçə dəqiqə əvvəl ikinci qola seviniblər – 2:0.

Qeyd edək ki, “Qəbələ” və “Dinamo” arasında cavab oyunu avqustun 1-də Tbilisidə keçiriləcək.