Putinin müşaviri öldü

Rusiya prezidenti Vladimir Putinin müşaviri Veniamin Yakovlev 87 yaşında dünyasını dəyişib.

Minval.info Qafqazinfo.az-a istinadən xəbər verir ki, bu barədə Rusiya Hüquqşünaslar Assosiasiyası məlumat yayıb.

“İyulun 24-də uzun sürən xəstəlikdən sonra Rusiya Hüquqşünaslar Assosiasiyasının həmsədri, prezidentin müşaviri, hüquq elmləri doktoru, professor, SSRİ-nin əməkdar hüquqşünası, “Vətənə xidmətə görə” orden sahibi Veniamin Yakovlev 87 yaşında dünyasını dəyişib. Assosiasiyanın hüquqşünasları Veniamin Fyodorviçin doğmalarına və yaxınlarına baş sağlığı verir”, – deyə məlumatda qeyd olunub.

V. Yakovlevlə vida mərasimi iyulun 26-da keçiriləcək.