Pepe Ronaldunun villasını alıb

“Yuventus”un futbolçusu Kriştianu Ronaldu villasını endirimli qiymətlə Portuqaliya millisində komanda yoldaşı olan Pepeyə satıb.

Goal.az xəbər verir ki, hazırda “Porto”da çıxış edən Pepe Ronaldunun vətənində 3,5 milyon funt sterlinqə aldığı malikanəyə 2,3 milyon funt sterlinq ödəyib.

Qeyd edək ki, bir müddət əvvəl Ronaldunun İspaniyanın Marbelya şəhərində 1,3 milyon funt sterlinqə villa alması ilə bağlı xəbərlər çıxıb.