Pedri üçün 90 milyon avro: PSJ-nin barselona ilə transfer savaşı başlayır

Fransanın tanınmış futbol klubu PSJ, heyətini gücləndirmək məqsədilə yeni transfer hədəfini müəyyən edib. Klub, Barselona’nın gənc yarımmüdafiəçisi Pedrini transfer etmək üçün ilk rəsmi təklifini hazırlayır.

Minval.info xəbər verir ki, Paris klubu, 23 yaşlı ispaniyalı futbolçu üçün Kataloniya təmsilçisinə 90 milyon avro təklif etməyi planlaşdırır. PSJ, Pedrini yay transfer pəncərəsinin əsas hədəflərindən biri kimi görür.

Bu maraq təsadüfi deyil. PSJ-nin baş məşqçisi Luis Enrike, “Mançester Siti”nin yarımmüdafiəçisi Rodrinin “Real Madrid”ə keçid qərarından sonra diqqətini Pedriyə yönəldib.

ƏLAQƏLİ

Bunu da oxu

Messi MLS-də 100-cü qolunu vurdu!

17.09.2026 - 21:53

Qeyd edək ki, Pedri 2020-ci ildən bəri Barselona’nın heyətində çıxış edir. Bu müddət ərzində o, 245 oyunda iştirak edib, 28 qol vurub və 33 məhsuldar ötürmə edib. İspan futbolçu hazırda komandanın kapitanlarından biri kimi tanınır.

Yarımmüdafiəçinin Barselona ilə müqaviləsi 2030-cu ilin yayına qədər qüvvədədir. “Transfermarkt” portalı onun bazar dəyərini 150 milyon avro olaraq qiymətləndirir.