Bu gün Azərbaycanın qələbəsi ilə yekunlaşan 44 günlük Vətən müharibəsinin başlanmasından bir il ötür. Ötən ilin sentyabrın 27-də başlayan İkinci Qarabağ müharibəsi zamanı Ermənistanın bir nömrəli dezinformasi maşını sayılan Müdafiə Nazirliyinin keçmiş rəsmisi Artsrun Ovanisyan xalqın onu hələ də təhqir etməsindən gileylənib.

Azvision.az xəbər verir ki, Ovanisyan “24” kanalına verdiyi müsahibədə ötənilki gülməli bəyanatını-taktiki geriçəkilmə ilə bağlı fikirlərini bir daha təkrarlayıb.

Erməni müxalifəti “yalan maşını”ndan əl çəkmir-Məni şübhələnmədiyiniz bir şeydə günahlandırırsınız. Tarixdə məğlub olan tərəfin məğlub olduğunu elan etməsi üçün tək bir nümunə göstərə bilməzsən. Başa düşürsünüz, birinci müdafiə bölgəsindən tutmuş doqquzuncuya qədər yalnız üç müdafiə bölgəsində geri çəkilmək problemimiz olub. Bu qaçış deyil, taktiki geri çəkilmə idi.

Qeyd edək ki, Ovanisyan İkinci Qarabağ müharibəsi dövründə döyüşlər barədə yalan məlumatlar yaymaqla təxribatçı fəaliyyətlə məşğul olub. O, bu ilin aprel ayında istefa verib.