Paşinyanın qızı ədliyyə nazirliyində təcrübə keçir: Müzakirələrdə iştirakının səbəbi nədir?

Ermənistanın Baş naziri Nikol Paşinyanın qızı Şuşan Paşinyan, Ədliyyə Nazirliyində keçirilən müzakirələrdə iştirak edərək diqqət mərkəzinə düşüb. Onun bu tədbirdə hansı statusda iştirak etdiyi açıqlanıb.

Minval.info xəbər verir ki, Ermənistan Ədliyyə Nazirliyinin mətbuat katibi Mariam Melkumyanın sözlərinə görə, Şuşan Paşinyan “Nazirlə bir gün” proqramı çərçivəsində nazirlikdə təcrübə keçir və bu səbəbdən müzakirələrdə iştirak edir.

Bundan əvvəl Ermənistanın ədliyyə naziri Srbuhi Qalyan, şəxsi məlumatların qorunması üzrə muxtar qurumun yaradılmasını nəzərdə tutan qanun layihəsinin müzakirəsinə dair video yayımlamışdı. Bu videoda Şuşan Paşinyanın da iştirak etdiyi görünürdü. Nazirlik, onun bu müzakirələrdə iştirakının proqram və təcrübə çərçivəsində olduğunu təsdiqləyib.