Onlayn alış-verişdə kart ödənişlərinə yaşıl işıq!

İqtisadiyyat Nazirliyi yanında Dövlət Vergi Xidməti, onlayn sifariş əsasında məhsulların məsafədən pərakəndə satışının rəsmiləşdirilməsi ilə bağlı açıqlama yayıb.

Minval.info xəbər verir ki, Dövlət Vergi Xidmətinin məlumatına görə, “Nağdsız hesablaşmalar haqqında” Azərbaycan Respublikası Qanununun 3.1-ci bəndinə əsasən, bir şəxsin bank hesabından digər şəxsin bank hesabına köçürülməklə həyata keçirilən hesablaşmalar, o cümlədən ödəniş kartları, ödəniş tapşırıqları və digər ödəniş alətləri vasitəsilə aparılan ödənişlər nağdsız hesablaşma hesab olunur.

Qurumdan bildirilib ki, məhsulun onlayn sifariş əsasında məsafədən müştəriyə pərakəndə qaydada satılması zamanı satış əməliyyatı nəzarət-kassa aparatında rəsmiləşdirilə bilər. Bu halda məhsulun dəyərinin müştəri tərəfindən ödəniş kartı vasitəsilə fərdi sahibkarın vergi ödəyicisi kimi açdığı bank hesabına bağlı karta köçürülməsi qanunvericiliklə məhdudlaşdırılmır. Məsələn, sahibkar sosial şəbəkədə məhsulunu görən müştərinin sifarişi əsasında həmin məhsulu başqa rayona gedən avtobusun sürücüsü vasitəsilə göndərə və ödənişi öz bank hesabına bağlı karta qəbul edə bilər. Ödəniş daxil olduqdan sonra satış əməliyyatı nəzarət-kassa aparatında rəsmiləşdirilərək çek məhsulla birlikdə müştəriyə göndərilə bilər.

ƏLAQƏLİ

Bunu da oxu

Heyvan xəstəliklərinə qarşı AQTA-dan ciddi tədbirlər

10.09.2026 - 16:03

Vergi Məcəlləsinin 16.1.9-cu maddəsinə əsasən isə nağd pul hesablaşmaları aparılarkən alıcıya çek, qəbz, ödəniş xidməti təchizatçılarının çıxarışları və digər ciddi hesabat blanklarının təqdim edilməsi vergi ödəyicisinin vəzifələrinə daxildir. Beləliklə, Dövlət Vergi Xidmətinin açıqlamasına görə, onlayn sifariş əsasında məhsulun məsafədən satılması və ödənişin sahibkarın bank hesabına bağlı karta köçürülməsi qanunvericiliklə məhdudlaşdırılmır.