Ölkə üzrə yanğın təhlükəsi: FHN hansı əraziləri təmizləyir?

Ölkə ərazisində yanğın təhlükəsi yaradan sahələrdə təmizlik işləri aparılır. Fövqəladə Hallar Nazirliyi (FHN) tərəfindən quru ot, kol-kos və məişət tullantılarının toplandığı ərazilərin təmizlənməsi təmin edilib.

Minval.info xəbər verir ki, FHN-in Dövlət Yanğın Nəzarəti Xidməti, yanğın təhlükəsizliyinin təmin olunması məqsədilə ölkə miqyasında zəruri tədbirlər həyata keçirir. Bu tədbirlər çərçivəsində, Bakı şəhəri və digər bölgələrdə müxtəlif küçə və qəsəbələrdə quru ot və tullantıların təmizlənməsi işləri görülüb.

Təmizlik işləri Bakı şəhərinin Səbail, Xətai və Xəzər rayonlarında, Sumqayıt şəhəri, Gəncə şəhəri, Abşeron, Hacıqabul, Qax, Masallı, Bərdə, Ağcabədi, Biləsuvar, Sabirabad, Neftçala, Balakən, Ağdaş, İsmayıllı, Qəbələ, Şəki, Yevlax, və Quba rayonlarında həyata keçirilib. Bu istiqamətdə tədbirlər davam etdirilir.