Oğlunun 5-ci mərtəbədən düşdüyünü görən ana özünü pəncərədən atdı

Türkiyənin Bursa şəhərində 3 yaşlı oğlunun beşinci mərtəbədən yıxıldığını görən ana özünü pəncərədən atıb.

Minval.İnfo Publika.az-a istinadən xəbər verir ki, hadisə nəticəsində uşaq ölüb, ana isə ağır yaralanıb.

Bunu da oxu

İran-Ermənistan arasında yeni gömrük dəhlizi açılır

13.09.2026 - 16:30

Nigar.K oğlu Əbdülvahab ilə yataq xəstəsi olan anasının evinə gəlib. Uşaq evin həyətə baxan yataq otağının eyvanına çıxıb. Bir müddət sonra səs eşidərək eyvana çıxan qadın oğlunun 5-ci mərtəbədən aşağı düşdüyünü görüb. Oğlunun cansız bədənini yerdə görən qadın evin digər pəncərəsindən özünü aşağı atıb. O, həyətdəki avtomobilin üzərinə düşüb.

Dərhal hadisə yerinə gələn təcili yardım maşınları qadını və oğlunu xəstəxanaya aparıb. Bütün müdaxilələrə baxmayaraq, uşağın həyatını xilas etmək mümkün olmayıb. Qadın isə xəstəxanada müalicə alır.

Qadının psixoloji problemlərinin olduğu bildirilir.